Friday, June 27, 2008

Kuliapis Nga Ay-ay



Makasiram ti apuy a sumgiab iti kaunggan ni ngata-ngata
Ket puoranna ti simbeng ti panagdaliasat ti agduadua a kararua
Dagiti agkatangkatang a dapan nga inulila ti nailibay a darepdep
Nga indaramudom ti kasipngetan, inadipen nagkaadu a derrep.

‘Di madaeran kuyep a mata ti makipinnerreng iti masakbayan
A tagtagibien aliaw impasngay kalman a di man la nagbalasang
Iduduayyan’ pilay nga agdama a nagpanawan narasi a namnama
Ilallallay saning-i ti dung-aw dagiti umar-arubayan nga aligaga.

Madaeranto ngata ti kired ni Elpis ti bang-i ti espiritu ni Moros
A nangkaras ubbog ni talinaay, nangruros sabong ti kurkuros
Idinto nga agsung-aben dagiti kalman a ramut a baglan ni puot
A dalanen koma dagiti sagibsib ngem inalun-on metten ni pungtot?

Uray la agallangogan dagiti sennay ti nakas-ang a pannakapaay
Ngem saan met a sumngaw dagiti boses ti kuliapis nga ay-ay.


Check out other version HERE. Or, read my other attempts at poetry HERE.


//Sherma E. Benosa
09 May 2008; 10:15pm


3 comments:

Anonymous said...

Talaga a natirad ti plumam, Kabsat.
Ti plumam ti rukkuasan ti ap-apalak
a talugading!

brainteaser said...

Hello gayyem Razi!

Agyamanak kabsat. Adda inspirasionko, hehehehee.

Nakarkaro pay kaniam, gayyem. Sabali dagiti daniwmo. Tay kunada nga abababa ken nakintal. You have a very distinctive style.

Anonymous said...

Предлагай тему разговора. [url=http://tutledy.ru/muzhchina-strelets/82-o-muzhchine-streltse.html]мужчина стрелец[/url]